طريقة عمل كوردن بلو في الفرن وخضار سوتيه وسلطه ايطالي

كوردن بلو في الفرن وخضار سوتيه وسلطه ايطالي

كوردن بلو في الفرن وخضار سوتيه وسلطه ايطالي

مقادير عمل الكوردن بلو

كوردن بلو

صدور مخليه

تركي مدخن

شرائح جبنه جوده أو فلمنك اللي تحبينه

بياض بيض

بقسماط

كام ملعقه زيت

(ملح وفلفل و بابريكا وزعتر وثوم بودر وبصل بودر ومستردا ) تتبيله الصدور

طريقه تحضير الكورد بلو من المنزل

هنمسك الصدر كأننا مسكين كوسايه وهنقورها نجيب سكينه ونفتح فتحه في النص بطول الصدر بحيث مانفتحش الجوانب عشان مش عاوزين الحشوه تخرج .

هنجيب بوله نحط فيها توابل التتبيله ونحط الصدور وننقعها في التتبيله مده ماتقلش عن ساعه .

هتجيبي شريحه التركي تحطي علي شريحه الجبنه وتعملي رول تاخدى الرول ده تدخليه في الفتحه اللي عملتيها في الصدر

هتجيبي ٣ اطياق

واحد تحطي فيه دقيق

واحد تحطي فيه بياض البيض مع رشه فلفل

واحد هتحطي فيه البقسماط وعليه توابل زى اللي حطيتيها عالصدور بس من غير مستردا وتحطي كام معلقه زيت عشان احنا هنعمله 
في الفرن هتقلبي البقسماط هتلاقي ملمسه بقا شبه الرمل .

هتجيبي الصدر المحشي تحطيه في الدقيق وبعدين بياض البيض وبعدين البقسماط وترصي في الصينيه تدخليه الفرن علي درجه حراره 
٢٠٠ انا قعد في الفرن ٤٠ دقيقه بس طبعا المده بتختلف علي حسب حجم الصدر وكمان الفرن .

وعموما انتي هتعرفي أنه استوا لما تلاقي لونه بقا جميل كده كانه مقلي بالظبط .احلى حاجه أنه چوسي اوى ومش شارب ولا نقطه زييييت.
 



طريقه عمل السوتيه 

انا بعمله عالبوخار بس المره دى سلقت الخضار كل حاجه علي حدى والبسله والبروكلي طلعتهم من السلق علي مايه ساقعه عشان يفضل لونهم جميل .

عملت تتبيله عباره عن ليمون وثوم وشويه زيت صغيرين وملح وفلفل وحطتهم في برطمان ورجتهم كويس اوي بقا صوص يجنن 

حطيت الصوص علي الخضار وهو سخن طبعا الخضار شرب من الصوص وبقا راااائع .


تعليقات



حجم الخط
+
16
-
تباعد السطور
+
2
-