طريقة عمل البيتزا بالصور

طريقة عمل البيتزا


مبدائيا كده المقادير دى تعمل صنيتين كبار من البيتزا  زي المحلات

مقادير عمل البيتزا من البيت

انا عملت واحده محشيه الاطراف بجبنه موزاريللا والصنيه التانيه عاديه

نص كيلو دقيق

معلقة كبيرة سكر

معلقه كبيره مليانه خميره

علبة زبادى

فنجان صغير زيت ماء دافئ او لبن دافى

حسب الرغبه

معلقة خل ذرة ملح

طريقة عمل البيتزا  بالصور

بجيب السكر والخميره اقلبهم واضيف عليهم مايه دافيه 

واقلبهم لغاية الخميره ماتدوب واغطيها واسيبها على جنب عشر دقايق 

واجيب البوله اللى هعمل فيها احط الدقيق عليه الزبادى والزيت والملح والخميره والخل 

واعجن فيها كتير ويبقا جنبى المايه الدافيه اواللبن عشان العجينه لو احتاجت بس اهم حاجه فالبيتزا تعجنى كتير انا بعجن يجى كده عشر دقايق واغطيها واسيبها تخمر

الحشو بقى 
شرايح فلفل وزيتون وطماطم بس بقشرها الاول واشبيل البذر وشاورما فراخ

الصلصه فص توم مفروم اشوحه فزيت وانزل عليه بنقطتين خل وبعدين الصلصه وملح وفلفل

لما العجينه تخمر احط زيت وافرد العجينه وعليها الصلصه والفراخ والطماطم والزيتون والفلفل واحط نص الجبنه عالوش والباقى لما 

البيتزا تستوى اطلعها وارش باقى الجبنه وايد الشوايه تاخد لون وبالهنا والشفا

نوع الجبنه اللى فالاطراف موزاريللا صوابع واللى عالوش جبنه سورى اسمها مشلله

وعملت معاها كول سلو 
والف هنا
تعليقات



حجم الخط
+
16
-
تباعد السطور
+
2
-