اسرار الكوافيرات لتنظيف البشرة

اسرار الكوافيرات لتنظيف البشرة

تعالي اقولك ازاي تنضفي البشرة بدون ماتروحي عند بيوتي سنتر او اي كوافير وتدفعي فيه دم قلبك عشان نعمل ميك اب على نضافة وبشرتنا صافيه

كلنا بنبقى فاكرين ان وشنا نظيف لمجرد اننا بنغسلة كل يوم بصابون او حتى بغسول .... لكن الحقيقة غير كدة

احنا كده بنكون بنظف بشرتنا بشكل سطحى مش اكتر لكن سايبين حاجات كتير من جوه مش شايفنها

مسام بشرتنا بتكون مليانة بلاوي بتتراكم يوم بعد يوم .. جلد ميت من عوامل الجو و الشمس.... دهون و زيوت متراكمة فى المسام .... 

اتربة .... املاح و ترسبات من استخدام الصابون ..... الخ


الموضوع كله بيتعمل على 4 مراحل :

1_حمام البخار

2_تقشير البشرة

3_غلق المسام

4_الترطيب


طريقة عمل حمام البخار ( الخطوة الاولي )

هنغلى شوية ماية و نحطهم فى طبق واسع ... ممكن نحط مع الماية شوية اعشاب زى رشة قرفة ...او شوية نعناع ... او معلقة زيت لافندر .... و ممكن منحطش عادى جداا

نحط فوطه فوق راسنا و نغطى نفسنا بيها و نقرب وشنا من الطبق بحيث يطلع البخار على وشنا كله و فى نفس الوقت الفوطة تمنعه يخرج بره ..... و معلش نستحمل بقى شوية الحرارة ^_كله بفايدتة فى الاخر يا بنات

فائدة حمام البخار

_بيفتح مسام البشرة جدا عشان يكون سهل تنظيف الاوساخ اللى جواها

_بيدوب الدهون اللى موجودة فى الوش و الانف

_بيرطب الوش جدااا

_بيطرى الجلد الميت عشان يهيأ البشرة لمرحلة التقشير


طريقة التقشير للبشرة ( الخطوة الثانية )


دى بنعملها عشان نقشر طبقة الجلد الميت اللى على البشرة السطحية و اللى بتكون سبب فى شكل البشرة البهتان و جفافها ..... ممكن يكون معانا نوع صنفرة كويس.

او نعمل صنفرة طبيعية فى البيت (معلقتين سكر ناعم_نقطتين لمون_معلقة زيت لوز او زيتون) ان شاء الله

هندعك وشنا بالصنفرة على هيئة حركات دائرية براحة كدة فى اتجاه واحد لمدة 3 دقايق
مش جامد عشان منجرحش بشرتنا ولا براحة اوى عشان نزيل كل طبقة الجلد الميت
بعد كدة نغسل وشنا بمايه دافيه

تنظيف البشرة,تنظيف البشرة بالبخار,تنظيف البشره,جلسة تنظيف البشرة في الكوافير,طريقة تنظيف البشرة,تنضيف البشره بالبخار,تنضيف البشره,تنضيف البشره بالبخار فى البيت,تنضيف البشرة,طريقة تنظيف البشرة بالبخار في المنزل من رضوى الشربيني,تبييض البشرة,تبيض وتنظيف البشره,تنظيف البشره وسد المسام في البيت,تنظيف البشرة من اثار الحبوب,تنضيف عميق للبشره,خطوات جلسة تنظيف البشرة,البشرة,وصفات تنظيف البشرة,فوائد التنظيف العميق للبشرة,جلسة تنظيف البشرة في البيت
اسرار الكوافيرات لتنضيف البشرة

              

طريقة غلق_المسام ( الخطوة الثالثة )

بعد الخطوتين اللى فاتوا مسام وشنا بتكون لسه مفتوحة 

و لو سبناها كدة يبقى عملنا تنظيف على الفاضي لأن بمجرد ما نسيبها للجو كل الاتربة و الاوساخ هتدخل جوة المسام تانى .

عشان كدة لازم نقفل المسام بعد ما نضفناها .

و بنعمل كدة بالتونر او التونك 

ممكن نعمل تونر طبيعي فى البيت اننا نحط ماء ورد فى قوالب تلج و نحطها فى الفريزر لحد ما تتجمد 

و ناخد مكعب و نمشيه علي بشرتنا كلها عشان نقفل بيه كل المسام و هى نضيفة

طريقة الترطيب للبشرة ( الخطوة الرابعة )

اخر حاجة هنعملها لبشرتنا هى الترطيب

اى نقطة كريم مرطب وی سلام لو زبده شیا خام ياعيني بقي

و نحطه على وشنا عشان نحافظ عليها من الجفاف و بكدة

نبقى عملنا احسن جلسة تنظيف بشرة فى البيت فى اقل وقت و اقل تكلفة 

تعليقات



حجم الخط
+
16
-
تباعد السطور
+
2
-