طريقة عمل نجرسكو بالفراخ والمشروم الفريش

 نجرسكو بالفراخ والمشروم الفريش

طريقة عمل نجرسكو بالفراخ زي المحلات 


طريقه عمل النجرسكو بالفراخ

نص كيلو صدور فراخ

نص كيلو مكرونة اسباجيتي او شرايط او اللي موجود عندك

2 فلفل اخضر وممكن الوان

بصلة كبيرة مقطعة جوليان

فصين توم مفرومين


طريقه تحضير المشروم


مشروم انا بفضل الفريش لان بيبقي جوسي شوية او مقرمش لكن المعلب بيبقي طري بس لو متاح ماشي الطبق اللي استخدمته كان 200 جرام

لتر وربع لبن

2 معلقة زبدة

4 معالق دقيق

معلقة مستردة

ملح وفلفل وبابريكا وبهارات فراخ ومعلقة سكر وجوزة الطيب


طريقه تحضير النجرسكو بالفراخ والمشروم


هنقطع الفراخ شرايح رفيعة ونغسلها كويس ونصفيها من الماية

ونحط معلقة سمنه ومعلقة زيت ونحمر فيهم البصل يدوبك يدبل 

ننزل بالفلفل ونقلبهم لغاية مايدبلوا 

ننزل بالمشروم المقطع حلقات ونقلب برضه لغاية مايدبل

نعلي النار وننزل بالفراخ ونقلب وننزل بالتوم المفروم والملح والفلفل والسكر والبابريكا وبهارات الفراخ والمستردة 

ونقلب كل دة مع بعض ونهدي النار شوية علشان الفراخ تستوي وطول مااحنا واقفين نقلب علشان متلزقش بس مانحطش ماية خالص ومتقلقوش هتستوي وتبقي زي الفل

هنسلق المكرونة عادي في ماية وملح ومعلقة زيت ولما تتسلق نصفيها ونحط عليها زيت علشان متلزقش في بعضها

هنجيب حلة نحط فيها الزبدة وننزل بالدقيق ونقلب بسرعة وننزل باللبن حبة بحبة ونقلب ونحط ملح وفلفل ورشة جوزة الطيب 

وممكن نحط اي نوع جبنة تحبوه انا حطيب شوية شيدر علي موتزاريلا وفضلت اقلب لغاية ماالصوص مسك نفسه شويه وناخد بالنا صوص البشاميل دة لازم يكون خفيف مش تقيل

هنجيب الطاجن او البايركس وندهن بشاميل ونلخبط المكرونة مع الفراخ 

ونحط معاهم كبشتين بشاميل ونرش رشة موتزاريلا ونحط البشاميل 

وندخل الصينية الفرن لمدة تلت ساعة ونخرجها نرش موتزاريلا فوق الوش ونطفي الفرن ونشغل الشواية يدوبك الوش يتحمر يبقي دهبي وبألف هنا



تعليقات



حجم الخط
+
16
-
تباعد السطور
+
2
-