طريقه عمل بسكويت العسل

طريقة عمل بسكويت العسل

طريقة عمل بسكويت العسل اللذيذ من البيت

مقادير البسكويت بالعسل

3 كوب دقيق.

2 معلقة كبيرة كاكاو خام.

كوب سكر.

كوب زيت.

2 بيضة.

2 معلقة عسل اسود.

باكو بيكنج باودر.

2 باكو ڤانيليا.

رشة ملح.

صفار بيضة + رشة سكر + رشة فانيليا.

طريقه تحضير بسكويت بالعسل

هنجيب الخلاط ونحط فيه السكر

+ الزيت

+ البيض

+ الڤانيليا

+ العسل الاسود ونضربهم كويس جدااا.

- هنجيب بولة ونحط فيها الدقيق

+ البيكنج باودر

+ رشة الملح ونقلب بمعلقة خشب.


هنقسم خليط الدقيق الجاف نصفين وناخد نصف منهم ونضيف له الكاكاو الخام ونقلب كويس جدا.

هنضيف كمية السائل اللي ف الخلاط بالتساوي ع الدقيق الابيض والدقيق البني ونقلب كل نوع كويس.

نبدا بتكوين عجينة لينة نوعا ما مابتلزقش ف ايدك ولو احتاجت رشة دقيق ع تلم معاكي مفيش مشكلة.

ع الرخامة ورشي شوية دقيق وافردي العجينة بالنشابة حسب السمك اللي عايزاه وقطعي وشكلي بأي قطاعات عجين عندك.

هاتي صينية الفرن وافردي فيها ورق زبدة ورصي وحدات البسكويت واعملي مسافات ع حجمه بيزيد.
 
ادهني وش البسكويت بخليط الدهان ودخليه فرن متسخن علي درجة حرارة 180°

                                   طريقة عمل,بسكويت,طريقة عمل بسكويت,طريقة عمل بسكويت العسل الاسود,بسكويت بالعسل,بسكويت العسل,بسكويت العيد,بسكوت العسل,طريقة عمل بسكوت,طريقة عمل بسكوت العسل,طريقة عمل بسكويت العيد,بسكويت العشر دقائق,طريقة عمل بسكويت بالعسل الأسود,طريقة عمل بسكوت بالعسل,طريقة عمل بسكويت العسل بسكوت العسل الجاهز,طريقة عمل بسكويت العسل الاسود مع الشيف هالة فهمي,عمل بسكويت بالعسل و السمسم علي طريقه الشيف شكري,بسكوت بالعسل الاسود,بسكوت العشر دقايق

ملحوظه

نوع الدقيق اللي بتستخدميه بيفرق يعني ممكن تستخدمى كمية اقل من اللي ف الوصفة او ازيد فدايما خلي عندك شوية دقيق زيادة احتياطي.

لما تفردي العجين ع دقيق ماتزوديش اوي الدقيق ونفضي البسكويت من الدقيق الزيادة قبل دخوله الفرن.

العسل الاسود مكون اساسي ممكن بديل ليه العسل الابيض لكن فعليا العسل الاسود احلي كنكهة وطعم.

متنسوش البيض لازم يكون بدرجة حرارةالغرفة.

انتم اللي بتتحكموا ف سمك البسكوتة يعني لو بتحبوه مقرمش وناشف خلي سمكه رفيع ، لو بتحبوه طرى نوعا ما تخني السمك شوية.

متنسوش ان الفرن بنشغله ع درجة حرارة 180° قبل مانبدأ بخلط المكونات والتشكيل وبنحط الصينية ع الرف الوسطاني ع الشبكة.

خلوا بالكم البسكويت ده مش بياخد وقت طويل ف الفرن فلازم عينكم تكون عليه.




تعليقات



حجم الخط
+
16
-
تباعد السطور
+
2
-