طريقة عمل الكنافة بطريقة جميله لرمضان

طريقة عمل الكنافة


كل رمضان وانتم طيبين وبخير وسعادة دي طريقة عمل الكنافة بطريقة جميله لرمضان

مقادير عمل الكنافة

نص كيلو كنافة متفرزة وضروري تكون متفرزة افضل

كوباية سمنة

معلقتين سكر بودرة


مقادير عمل الكريمة

نص كيلو لبن

معلقتين كبار نشا

معلقتين كبار كريمة لباني بودر وممكن كريم شانتيه بدالها

معلقة واحدة كبيرة سكر

علبة قشطة عبارة عن 3 معالق


طريقة عمل الكنافة بطريقة جميله لرمضان

طريقة عمل الكنافة بطريقة جميله لرمضان

طريقة عمل الكنافة بطريقة جميله لرمضان

مقادير عمل الشربات

كوبايتين سكر

كوباية ماية

عصير نص ليمونة

الشربات لازم يكون تقيل وبارد من التلاجة والكنافة سخنة


طريقة عمل الكنافة 

الاول هنعمل الكريمة علشان تلحق تبرد

هنحط اللبن والسكر والنشا والكريم شانتية البودرة ونقلبهم علي البارد 

ونحطهم علي النار ونقلب لغاية اول مانحس انها تقلت شوية 

ننزل بالقشطة ونقلب تقليبة ونطفي عليها ونسيبها تبرد خالص

ونفتت الكنافة كويس وننزل عليها بمعلقتين السكر البودرة ودة سبب في اللون الدهبي الجميل دة علي فكرة 

وننزل بكوب السمنة وندعكهم في بعض بحيث الكنافة كلها تشرب السمنة 

وندهن صينية مقاس 26 بمعلقة سمنة وننزل بنص كمية الكنافة 

ونفردها في الصينية كلها ونضغط بايدينا كويس 

ونجيب كنافة ونرصصها علي جوانب الصينية داير مايدور زي التارت علشان الحشو مايطلعش لبرة وعلشان المنظر كمان 

بعد مانقلبها وننزل بالكريمة بعد ماتبرد 

ونفردها فوق الكنافة كويس ونساويها 

وننزل فوقها بكمية الكنافة التاني ونفردها ونساويها ونضغط بايدينا بس بسيط شوية ونسقيها معلقتين سمنة من فوق الوش 

وندخلها فرن سخن لمدة تلت ساعة او لغاية ماالجناب تحمر 

نطفي الفرن ونشغل الشواية بس مش نار عالية وناخد بالنا علشان ماتتحرقش ونطلعها نسقيها بحوالي نص كوب شربات بارد 

ونستني مثلا خمس دقايق ونقلب الصينية في طبق تقديم ونسقيها تاني بنص كوباية شربات ونزوقها والفين هنا


تعليقات



حجم الخط
+
16
-
تباعد السطور
+
2
-