طريقة عمل الغريبة

طريقة عمل الغريبة 

طريقة عمل غريبة هشه جميله احسن من المحلات

مقادير عمل الغريبة 

مقاديرها واحدة لا فيها نشا ولا بيكنج بودر ولا فانيليا ولا بيض ولا بياض بيض ولا الكلام ده خالص هى عبارة عن

شوفى هتعملى مقدار الدقيق اد اية هيبقى 

نصه سمنة ونص السمنة سكر بودرة بمعنى انا عملت

٢ كوب دقيق منخول

كوباية سمنة ساقعة طالعة من التلاجة هنشتغل بيها علطول

نص كوب سكر مطحون اوى ومنخول

معلقة كبيرة واحدة كاكاو خام منخول لو حابة تعملى بالكاكاو


طريقة عمل الغريبة

هنجيب السمنة والسكر ونضربهم ضرب مبرح بمضرب الكهربا لغاية مالونهم يبيض شبه الكريم شانتيه كدة 

وبعدين ننزل بالدقيق حبة حبة ونقلب بإيدينا مش المضرب بس يدوبك نقلب مانعجنش لغاية ماالدقيق كله يخلص والعجينة تلم معانا 

حطيها ربع ساعة فى التلاجة ولو هتعملى بالكاكاو 

اقسمى العجينة نصين قبل ماتحطيها فى التلاجة وحطى معلقة الكاكاو على نص منهم والنص التانى ابيض عادى 

وبعد كدة لما طلعت من التلاجة شكلت اتنين ودخلتهم فرن سخن بس ناره هادية علشان اختبر الغريبة وطلعت سليمة شكلت الباقى 

ودخلته الفرن لمدة ربع ساعة بالظبط من غير شواية طبعا ولما تخرج سبيها تبرد خالص ماتحركيهاش من الصينية وهى سخنة علشان ماتتفرفتش فى ايدك ولما تبرد حطيها في العلب وبألف هنا




طريقة عمل الغريبة,الغريبة,طريقة عمل الغريبة السورية,غريبة,طريقة عمل الغريبة الشامية,طريقة عمل,غريبة العيد,طريقة عمل الغريبة بالصور,طريقة عمل الغريبة الناعمة,طريقة عمل الغريبة بدون بيض,طريقة عمل الغريبة المصرية,طريقة عمل الغريبة الليبية,طريقة عمل عجينة الغريبة,طريقة عمل الغريبة للشيف حسن,طريقة عمل الغريبة بأسهل طريقة,طريقة عمل الغريبة منال العالم,الغريبه,طريقة عمل الغريبة من غير مل تبصم,طريقة عمل الغريبة الهشة والناعمة جدا,الغريبة الشامية
طريقة عمل الغريبة 



تجنب ذلك عن عمل الغريبه

١_لو خرجت من الفرن لاقيتيها فرشت تبقى العجينة محتاجة معلقة دقيق
ولو خرجت مشققة يبقى العجينة محتاجة معلقة سمنة
يبقى ضرورى جدا فكرة الاختبار الاول على وحدتين دخليهم الفرن وشوفيهم هيطلعوا معاكى اية تمام يبقى كملى عادى وشكلى ودخلى الفرن

٢_بنعاير يابنات بنفس حجم الكوباية

٣_لما بنحط العجين فى التلاجة بنحطه فى اكياس بلاستيك

٤_علشان يطلعوا معايا حجم واحد باخد من العحين بمعلقة شاى صغننة اوى وبعدين اكورها واحطها فى الصينية وعليها فستقة او لوزة 
او اى حاجة تحبيه فى حاجات كتير نزوق بيها واضغط ضغطة خفيفة لتحت وبس

٥_الصينية مش مدهونة حاجة خالص
تعليقات



حجم الخط
+
16
-
تباعد السطور
+
2
-