طريقه عمل جلاش ملفوف باللحمه المفرومه

الجلاش الملفوف أو اليوريك التركي

 رولات الجلاش أو الجلاش الملفوف أو اليوريك التركي اقولكم سيبكوا من الاسامي وخلينا في الطعم 


مكونات عمل جلاش باللحمه المفرومه

لفة جلاش 

نص كيلو لحمة مفرومة

جزرة مبشورة 

فلفل اخضر مقطع صغير اوي وممكن فلفل الوان لو متوفر

زبيب لو متوفر

بصلتين كبار مبشورين 

كوباية لبن

بيضة 

نص كوباية زبدة سايحة علي زيت وممكن سمنة بدل الزبدة 

بس الجلاش لو بات ومعمول بسمنة هنلاقيها قفشت خالص عكس الزبدة 

توابل اللحمة ملح وفلفل ورشة جوزة الطيب ونص معلقة صغيرة بهارات لحمة ورشة قرفة 

بهارات السوائل اللي هنسقي بيها الجلاش ملح وفلفل وبسسس




طريقه عمل الجلاش باللحمة المفرومة

هنعصج اللحمة 

هنحط معلقة زيت ومكعبين زبدة صغيرين 

وننزل بالبصل المبشور يدوبك يدبل نعلي النار شوية 

و ننزل باللحمة واول مالونها يتغير ننزل بالجزر وبعدين الفلفل والزبيب ونحط الملح والتوابل ونسيب اللحمة ١٠ بالظبط علي نار هادئة 

هنعمل السائل اللي هنسقي بيه الجلاش

عبارة عن بيضة نربها كويس جدا وننزل عليها بكوباية لبن ونص كوباية زبدة علي زيت وملح وفلفل ونضربهم في بعض كويس جدا

هنبدء نلف الورق ونحشيه

هنجيب ورق الجلاش نفرده قدامنا وندهن ورقة كلها بالسائل بتاعنا 

ونجيب الحشو طبعا بعد مايبرد ونحطه علي طرف الورقة بس لجوه شويه مش الطرف اوي

ونحط فوق الحشوة اي نوع جبنة بتحبيها او ممكن ميكس جبن زي ما انا عملت 

ونبدء نلف ورقتين واحنا بنلف نزنقهم شوية مانخليهمش مهويبن 

وننقل الرور دة في صينية مدهونة من نفس سائل التشريبة وهكذا لغاية مانخلث كمية الجلاش 

وبعدين قطعيهم صوابع الحجم اللي تحبيه وتسقيه بباقي السائل 

وتدهني وشه كويس وتسبيه بالظبط ربع ساعة برة الفرن علشان الجلاش يتشرب السوائل دي 

وندخله فرن ساخن علي الشبكة الوسط لمدة تلت ساعة أو لغاية اول ماالحناب داير مايدور تحمر 

يبقي نطفي الفرن ونشغل عليه الشواية نحمر الوش بالظبط دقيقتين 

واول ما وشه يحمر كدة تمام نطفي وتطلعه من الفرن نغطيه ربع ساعة 

ونعيد تقطيع عليه ونغرفه بالف هنا حبايبي 
تعليقات



حجم الخط
+
16
-
تباعد السطور
+
2
-