طريقة عمل طاجن المكرونة باللحمة زي محلات الكشري

طريقة عمل طاجن المكرونة باللحمة زي محلات الكشري

الطاجن اللي ريحته بتجيب اخر الشارع ده اللهم بارك
مكرونة مكرونة اي لاف يوف
طاجن المكرونة بتاع محلات الكشري اللهم بارك


طريقة عمل طاجن المكرونة باللحمة زي محلات الكشري
                         

طريقة عمل طاجن مكرونة باللحمة

أولا حطيت بصله تتشوح َتاخد لون خفيف 

نزلت عليها بنص كيلو لحمة مفروم و فلفل اسمر و ملح 

فضلت اقلب فيها لحد ماتستوى

تيجي في حلة تانية تحطي بصله مفروم مع قرن فلفل حامي و فلفلة أخضر كبير

قلبي فيهم لحد ماالبصل بدبل كويس

تنزلي باللحمة المفرومة و تلات فصوص توم مفروم

تفضلي تقلبي لحد ماالتوم يطلع ريحته

تاخدي كمية من اللحمة المفرومة ترصيها في الطاجن بتاعك من تحت

ونسيب كميه صغيرة في الحلة نحط عليها عصير طماطم فريش و معلقة صلصلة كبيرة و نص معلقة سكر صغيرة

نص معلقة بابريكا

ملح حسب الرغبة

معلقة صغيرة كمون

معلقة صغير كسبرة ناشفة

والسر كله في تلات ملاعق خل

وتقلبيهم مع بعض مع عصير الطماطم ونسيبهم يغلوا كويس مع بعض

نحط المكرونة نيه في الطاجن و نحط فوقها الصلصة اللي جهزنها و ظبطنها وتغطي الطاجن بفويل
فرن يكون سخن جدا 

و تحطي طاجن المكرونة يستوي على الرف الشبك

لو فرنك حامي جدا هتحطي الرف في النص لو ضعيف شويه هتنزلي الرف درجة لتحت عشان الصلصة تغلى على طول و ماتخليش المكرونة تعجن منك

تطلعيها من الفرن ولو عايزة تقلبيها براحتك خالص المهم لو هتقلبيها سيبي الطاجن ٥ او ١٠ دقايق قبل ماتشيليه

عايزة اقولكم شويه اللحمة اللي سيبتها مع الصلصة خلتك تحسي ان الطاجن غرقان لحمة مفرومة

نص كيلو لحمة مفرومة يعمل تلات طواجن زي اللي في الصوره يعني مشبع جدا اللهم بارك

نص كيلو لحمة مفرومة ياخد كيلو عصير طماطم و ممكن زيادة حبه كمان

ماتكتريش المكرونة في الطاجن عشان لسه هتنفش

استخدمي الزيت او خليط زيت على سمنه افضل عشان المكرونة تلمع معاكي و ماتعجنش منك


تعليقات



حجم الخط
+
16
-
تباعد السطور
+
2
-