طريقة عمل الفراخ البانية كنتاكي

طريقة عمل البانيه بطريقة سهلة

 النهارده هنعمل مع بعض البانيه الكرسبي البانية كنتاكي المقرمش وهقولكوا تتبيله ليه حلوه اووي وازاي مانستخدمش بيض كتير وازاي البقسماط مايفكش في الزيت.


يلا نروح نشوف هنعمله ازاي.


مقادير عمل البانيه المقرمش

نص كيلو بانيه

طماطميتين 

بصله صغيره

فصين توم

ربع قرن فلفل حار  (اختياري)

نص معلقه صغيره من البهارات دي

(بصل بودره ، توم بودره ،بهرات لحمه او فراخ ،فلفل اسود ،بابريكا.)

معلقه صغيره من الكركم وده بيدي للبانيه طعم ولون خلو اووي.

معلقه صغيره خل.

عصره نص لمونه.

ملح.


مقادير تغليف البانيه المقرمش

بيضتين

بقسماط او كرسبي

معلقه ونص كبيره نشا لو بتحبيه مقرمش.

٣معالق دقيق.

نص معلقه صغيره ملح.

نص معلقه من نفس البهرات اللي حطيناها علي البانيه عشان الطبقه الخارجيه تبقا طعمها حلو.


كنتاكي,طريقة عمل دجاج كنتاكي,دجاج كنتاكي,طريقة عمل,فراخ كنتاكي,طريقة عمل الفراخ كنتاكي ف البيت,طريقة عمل الفراخ البانيه,أسهل طريقة عمل الفراخ كنتاكي مقرمشة ف البيت,افضل طريقة لعمل الفراخ البانيه,طريقة عمل الفراخ المقرمشة,عمل الفراخ البانيه,طريقة عمل البروستد مثل كنتاكي,الفراخ المقرمشه ع طريقه كنتاكي,طريقه تقطيع الفراخ البانيه,طريقة عمل كنتاكي دجاج مقرمش,طريقه عمل كنتاكي,طريقة كنتاكي من قلب المطعم,عملت كنتاكي من الفراخ المسلوقة,طريقة عمل بانيه,كنتاكى


طريقة عمل الفراخ البانيه بالفيجيتار


هناخد كل مكونات التتبيله ونضربها في الكبه او الخلاط او مطحنه التوابل 

وبعد كده هنجيب البانيه نتبله بالتتبيله دي

ونسيبه في التتبيله ليله كامله او اقل حاجه ٤ ساعات 

وبعد كده لما تكوني خلاص قربتي تقليه هتحطي البيضتين في البوله اللي انتي متبله فيها يعني تحطي البيض علي البانيه وهو في التتبيله ودي طريقه توفرلك في البيض وكمان سهله وبيطلع حلو اووي 

وتقلبيهم مع بعض كويس وبعد كده هتجيبي كميت البقسماط اللي هتحطيها 

وتحطي عليها الدقيق والنشا والبهرات

وتقلبي كله مع البقسماط كده هيبقا الطبقه الخارجيه طعمها حلو 

وبعد كده تطلعي البانيه من التتبيله تحطيه في البقسماط 

وتضغطي حلو بقا وتعملي كل الكميه بنفس الطريقه 

وبعد كده تدخليه الفريزر ربع ساعه قبل ماتقليه عشان البقسماط يمسك كويس في البانيه ومايفكش في الزيت

وبعد كده تقليه في زيت غزير وسخن علي نار متوسطه 

وبعد دقيقتين نوطي النار شويه عشان يستوي كويس ومايتحرقش وطلعيه علي ورق او مناديل مطبخ عشان يصفي الزيت طيب التتبيله اللي باقيه من البانيه هنرميها توء توء 

هنعمل بيها كفته بانيه اقتصاديه 

هنحط عليها باقي كميه البقسماط وشويه دبيق لغايه ماتكون معاكي زي العجينه 

وتعرفي تصبعيها وبعد كده دخليها الفريزر شويه وطلعيها اقليها 


واضحكي اليهم وقوليلهم كفته بانيه وقدميه هو والكفته مع ارز بسمتي بالبسله او مكرونه بالصلصة او ارز بسمتي اصفر او ارز ملون و كاتشب وبطاطس محمره او شيبسي وتوميه ومخلل.

وبالهنا والشفا
تعليقات



حجم الخط
+
16
-
تباعد السطور
+
2
-