طريقة عمل محشي الكرنب

 طريقة عمل محشي الكرنب


من اول سلق الكرنبه وبالصور
حتى السوى وبكل تكاته دي طريقة عمل محشي الكرنب للشتاء الكرنب المصري اكلة من اشهر الاكلات المصرية


طريقة عمل محشي الكرنب


هنظف الكرنبه من الورق الاصفر والدبلان

ونحط السكينه حولين راس الكرنبه بميل ناحية الراس وبعمق شويه للداخل علشان اطلع راس الكرنبه

وجهزت ميه فيها ملح ونعناع ناشف وكمون

النعناع حتى لا تنتش ريحة الكرنب في البيت والكمون لمنع انتفاخ البطن من الكرنب


هنحط الكرنبه على وشها في الميه سخنه جدا وقبل الغليان
الكرنب مش بيتسلق يا حبايبي بيدبل كويس علشان نعرف نلفه


هنقلب الكرنبه على ضهرها ويكون مكان الراس لفوق بعد ما دبلت كويس من وشها
كل ده على النار والميه سخنه جدا جدا جدا قبل الغليان

هابتدي اسحب الورق واحده واحد وبراحته خالص علشان ما يتقطعش

واكون محضره ميه ساقعه اطلع الورق فيها علشان اوقف عملية السوي والورق يتغسل

هابدأ اعد الورق بتقطيعه للحشو

هاشيل الجزء التخين الي في الورقه العرق بانى اطبق الورقه وارفع العرق لفوق

واقطع الورقه المطبقه بمقاس طول صباع المحشي

وافرد كل جزء واقطعه الى قطع صغيره بحيث ينفع الفها وجواها الرز مرتين علشان تتقفل كويس وتحتفظ بالحشوه جواها

واكرر نفس العمليه مع كل ورقه حتى تنتهى كل الكرنبه

وبكده اكون جهزت ورق الكرنب للحشو


محشي الكرنب,طريقة عمل محشى الكرنب,طريقة عمل محشي كرنب,محشي كرنب,محشي,طريقة عمل,طريقة محشي الكرنب,الكرنب,خلطة محشي الكرنب,طريقة عمل محشي الكرنب,طريقة عمل المحشي الكرنب,طريقة عمل طاجن محشي الكرنب باللحمة,طريقه عمل محشي الكرنب صدفه جاد,طريقه عمل محشي الكرنب للشيف حسن,محشي الكرنب المصري,طريقة عمل محشي الكرنب الصحي باللحم المفروم,طريقه عمل محشي الكرنب مروه الشافعي,اسهل طريقة لعمل محشي الكرنب,طريقة لف محشي الكرنب,طريقة عمل محشي,محشي الكرنب باللحمه
طريقة عمل محشي الكرنب



طريقة عمل خلطة محشي الكرنب


بهارات محشي الكرنب



جهزت الخلطه ني في

دعكت البصل المبشور بالملح والفلفل الاسود كويس جدا بايدي ودى خطوه مهمه جدا لطعامة المحشي

وضفت فلفله خضره مضروبه في الخلاط

وخضره شبت كتير وبقدونس

وكسبره خضرا مش كتيير

وطبعا خرطهم على القطاعه علشان لو ضربتهم في معد الطعام المحشي هيغمق وطعمه يغير لانها بتعصر مع الفرم

وضفت طماطم مضروبه في محضر الطعام لانه بيقطعها وبتكون جميله

وقلبت كويس اشوف لون الخلطه علشان احدد كمية الصلصه الي هاضيفها

ضفت ملعقتين كبار صلصة طماطم

وسمنه وزيت حسب كمية المحشي

وشطه حسب الرغبه

وظبطت الملح والفلفل الاسود تانى

وكنت غسلت الرز قبل ما ابدأ في سلق الورق وتركته على مصفه ينزل ميته

علشان يمتص اي سوائل من خلطة النى في ني تنتج من الخضار



وقلبت كله مع بعضه كويس جدا وبدأت احشي في حله مناسبه لكمية المحشي

وفرشت في القاع ورق اخضر وقطعت شويه ورق اخضر بايدى فوق القاع علشان المحشي ما يتحرقش في التسويه او يتلسع

ويسهل مرور الشوربه بين الصفوف


رصيت الصف وخلي بالك سيبي مسافات معقوله علشان التسويه والمحشي ما يكتمش من وسط الحله ويبقى ني

طبعا بدأت بالورق الاخضر علشان يستوى كويس وياخد سوى الورق الابيض وما يجلدش
الصفوف

لازم تكون عكس بعض علشان كله يتشرب من بعضه ولسهولة غليان الحله كلها في وقت واحد

وكل ماصف يخلص ابدأ من النصف علشان تعرفي تظبطي الصفوف عكس بعض

ولو الصف الاخير ما كملش رصيف في نصف الحله علشان يستوى كويس بعد ما توطي النار على الحله

وده اكتر مكان بتستمر عليه النار وعلشان يسند كل الصفوف الي تحته والرصه تفضل مظبوطه

خلصت حشو غليت الشوربه وولعت على حلة المحشي
علشان القاع يسخن واما اضيف الشوربه تغلي بسرعه

ضفت الشوربه وتكون دسمه ومظبوطه وغطيت المحشي بالشوربه لنصف آخر الصباع في الصف الاول على وش الحله



طريقة تسوية محشى الكرنب

طبعا التسويه لازم كل الحله تغلي كويس جدا واول الشوربه ما تبدأ تختفي من وش الحله وطيت النار لمدة 5
دقايق

وبعدين هديت النار تماما لحد المحشي ما استوى واختفى صوت الشوربه في الحله
وده بالتعود هتقدري تلاحظيه

المحشي استوى قلبته على طبق واسع كله مره واحده
وبالف صحه وعافيه

تعليقات



حجم الخط
+
16
-
تباعد السطور
+
2
-