طريقة عمل الكريب والشاورما السوري

 طريقة عمل الكريب السوري

عجيبنة الكريب ملهاش مقدار او مكونات ثابتة وعلشان كدة لازم تجربي وترسي علي طريقة مثالية بالنسبالك وفي اقتصادي وفيه مخدوم

بس صدقوني النهاية واحدة يمكن الاقتصادي بجد اطعم والله النوع التاني تحسوه طعمه فطير شوية ودسم انما الاقتصادي تحفة كطعم

واقرب لكريب المحلات لانهم مش هيعملوه بلبن وبيض وكدة المهم يلا نعمله مع بعض وجربوه بالطريقة دي حلو جدا والشاورما تحفة

وعاوزة اقول الحشوات كتير زي مانحب زي مثلا فراخ بانيه بالفيجيتار او سجق او شاورما لحمة او شاورما فراخ او ميكس جبن انا عملت شاورما فراخ


مقادير عمل عجيبنة الكريب

الاول هنعمل عجينة الكريب

4 كوبيات دقيق

4 كوبيات ماية

4 معالق زيت

ذرة ملح

رشة سكر

معلقة كبيرة لبن بودرة

بيضة


طريقة عمل الكريب,طريقة عمل الشاورما,طريقة عمل العيش السوري,الشاورما السوري,طريقة عمل الشاورما السوري,طريقة عمل شاورما الدجاج السوري,طريقة الشاورما السوري,الشاورما السورية,طريقة عمل الخبز,طريقة عمل الشاورما الرائعة,طريقة الشاورما السورية,طريقة عمل الشاورما في البيت,طريقة عمل الكريب بالفراخ,طريقة عمل خبز الشاورما الشهي,طريقة عمل,طريقة تحضير الشاورما السورية,طريقة عمل العيش السورى,طريقة عمل خبز الشاورما,طريقة عمل عيش الشاورما,طريقة عمل الكريب crepes
 طريقة عمل الكريب والشاورما السوري 



طريقة عمل الكريب الكريب

هنضرب البيضة بالملح والفلفل

وننزل بكوباية ماية ونضربهم في بعض

ونبدأ ننزل بالدقيق والماية شوية بشوية

وننزل بالزيت والملح والسكر واللبن البودرة ونقلب كويس احنا عاوزين عجينة سايلة ناعمة

ونصفيها في طبق تاني بمصفي علشان التكتلات ونحطها في التلاجة ربع ساعة

وبعد كدة نخرجها ندهن مقلاية كبيرة زيت نحط نقطة زيت ونمسحها بمنديل

ونبدأ ننزل بالعجينة بالكرنيب ونمسك المقلاية ونلفها بحيث العجينة تعمل قرص كبير

ونشوف العجينة احمرت من تحت نقلبها تحمر من الناحية التانية

ونطلعها علي فوطة ونغطيها بفوطة هنلاقي الكريب بقي طري جدا ولو مسكتيه وكرمشتيه زي المنديل يبقي هو كدة ناجح

ومش هيتقطع معاكي

هنجيب الكرباية ونتنيها شوية مش نصين وواضح في الصور

وبعدين ندهنها مستردة او تومية وفوقها جبنة موتزاريلا او ميكس جبنات وقطع خيار مخلل

وبعدين نحط الحشو وفوقه كاتشاب ونطبق الكرباية مثلت وندهن مقلاية بمسحة زيت

ونبدأ نحمر الكريب علي الجانبين وبس كدة بالف هنا بس لما نحمر الكريب هنحط الناحية المفتوحة تحت الاول علشان لما نحمرها الحشوة مش هتخرج في المقلاية

وبعدين نقلبها علي الناحبة التانية تتحمر


طريقة عمل الشاورما السوري

هنقطع الفراخ بالطول ونتبلها بعصير ليمونة ومعلقة خل وعلبة زبادي وملح وفلفل وكمون وبابريكا وبهارات فراخ وتوم وبصل بودر

ونقلب كل دة مع بعض

ونحطها في التلاجة نص ساعة

وبعد كدة هنحط معلقة زيت في مقلاية علي نار عالية شوية

وننزل بالفراخ ونفردها ونسيبها مانقلبهاش الا لما لونها من تحت يتغير

وبعدين نقلبها ونستني لما الماية اللي نزلت منها تنشف ننزل بالبصل جوليان

ونقلب وننزل بالفلفل ونقلب تقليبة

وننزل بالطماطم وطبعا كل دة متقطع جوليان الفراخ والبصل والخضار

ونقلب شوية حوالي 10 دقايق او ربع ساعة لغاية ماالفراخ تستوي ونطفي عليها ونبدأ نجهز الكريب زي ماقولنا وبألف هنا

تعليقات



حجم الخط
+
16
-
تباعد السطور
+
2
-